فطيرة الدجاج

--------------------------------------------------------------------------------

اكله حلوة وخفيفة بس قطعة وحدة تشبع

اليكم المقادير والطريقة :
المقادير:
2 باكيت عجين بيف باستري المستطيل ( المتوسط )
2علبة جبن المراعي ( مبشور )
2 بصلة متوسطة ( مقطع فراشات )
دجاجة كاملة مسلوقة .( ومزلة العظام ومفككة قطع صغيرة على شكل خيوط)
يفضل دجاجة كاملة تعرفون لأن بعض اجزاء الدجاج ناشف والأخر دسم مشبع بالدهون فلما يختلطون مع بض يصير أحلى )
البهارات ( مكعبين ماجي + فلفل أسود مطحون + فلفل احمر مطحون +ملح +كزبرة مطحونة ) مقدار ملعقه صغيره من كل نوع
الطريقة : نحمر البصل في الزيت وبعدين نحط الدجاج المنتف ونخلطه مع بعض ونضيف البهارات وأخيراً نضيف الجبن المبشور لين يصير نفس الخلطة الكريمية .

الخطوة الثانية نفرد العجينة كل وحدة على جنب الأولى في صينية الخبز الخاصة بالفرن بعد دهنها بالزيت ونراعي إنها تكون دائرية او مستطيلة ( القطعتين نفس المقاس )
وبعدين انحط الحشو اللي سويناها ونوزعها بالتساوي على العجينة مراعاة ترك مسافة 1 سم على الأطراف

والحين بعد ماوزعنا الحشو نجيب العجينة الثانية اللي فردناها مسبقاً ونحطها عليه ونسكرها من الأطراف عشان ماتفتح
وندخلها الفرن لين ماتحمر العجينة وتصير هشة وذهبية
نجيب قطاعة البيتزا ونقطعها نفس طريقة البيتزا ( اذا كنتو مسوينها دائرية ) واذا مستطيلة نقصها مربعات وتقدم وهي ساخنة
اوممكن استخدام العجينه البف بستري المربعات وتحطي الحشوه بوسطه وتسكيها من الاطراف وتسوي شكل مستطيل او مثلث.
وبالهناء والعافيه